Ən çox oxunan köşə yazarı kimdir?
Xəbər saytlarında və qəzetlərin internet səhifələrində hansı köşə yazarının neçə dəfə oxunduğunu görmək üçün sayğaclar mövcuddur.
Bəs ən çox oxunanlar kimlərdir?
İlk öncə “Yeni Müsavat” qəzetinin saytına (musavat.com) nəzər saldıqda görürük ki burada ən çox oxunan yazar
Zamin Hacıdır. Zaminin saytdakı sonuncu “ASLANDİYADAKI GERÇƏK SANTA” yazısı 452 dəfə oxunub. Bundan qabaqkı yazısı “Qoyunların oğurlanması” yazısı isə 466 dəfə oxunub.
Səbuhi Məmmədlinin sonuncu yazısı 266 dəfə,
Şahvələd Çobanoğlunun sonuncu yazısı 195 dəfə,
Samir Sarının yazısı 151 dəfə dəfə oxunub. Digər yazarları isə əsasən 50-150 arası oxunma sayı ilə dəyişir.
Xatırladaq ki, “Yeni Müsavat”ın saytı internetdə ən çox girilən qəzet saytıdır.
“Azadlıq” qəzetinin saytında ən çox oxunan yazar
Qan Turalıdır. Belə ki, onun “Əli Kərimlinin bircə çıxışı” yazısı 191 dəfə,
Murad Köhnəqalanın “Quşuçurtma” yazısı 90 dəfə,
Natiq Güləhmədoğlunun “İsa Məsihi tək qoymayın” yazısı 46 dəfə oxunub.
“Bizim yol” qəzetində dekabrın 31-də getmiş
Məmməd Süleymanovun “Azadlıq”dan Azadlığa” yazısı 64 dəfə oxunub.
Lent.az saytı ən çox girilən xəbər saytlarından biridir. Burada yazarların sayğacı demək olar ki, 400-dən yuxarıdır.
Günel Mövludun “Zəlimxan Yaqubun yeni il təbriki…” yazısı 434 dəfə oxunub.
Elşən Məmmədov kimi çox da tanınmamış bir imzanın yazısı 445 dəfə oxunub.
Qaynar.info portalında isə əsasən digər saytlardakı, qəzetlərdəki tanınmış yazarların yazıları yerləşdirilir. Burada ən çox oxunan yazarlardan biri
Seymur Baycandır. Onun “Həyasızlığın qısa tərifi” yazısı 404 dəfə oxunub. Qaynar.info –da yazılara şərh də yazmaq mümkündür. Seymurun bu yazısına 18 şərh yazılıb.
Qan Turalının “Kamil Vəli haqqında” yazısı burada 158 dəfə oxunub. Yazı “Reytinq” qəzetində çap olunub. Kultaz.com saytında bu yazı 170 dəfə oxunub. Seymurun yuxarıda adını çəkdiyim yazısı isə 270 dəfə oxunub.
Beləliklə ən çox oxunan köşə yazarı kimdir?
Ən tirajlı gündəlik qəzet “Yeni Müsavat” olduğundan Zamin Hacının ən çox oxunan yazar olduğu qənatinə gələ bilərik.
Həfətlik qəzetlərdən “Reytinq” qəzeti isə ən çox satılan qəzetdir. Seymur Baycanın yazıları həm “Reytinq”dən, həm də portallardan oxunduğunu nəzə alsaq ikinci yerə onun adını yaza bilərik.
“Azadlıq” qəzetinin gündəlik satışına və qəzetin saytında yazarların oxunma nisbətinə əsasən üçüncü yerə Qan Turalını yaza bilərik.