Ramin Cahangirzadə

1
Radikal qəbirə soxursunuzmu məni?!!

Ruhumu oğurlayıblar
Adım tabutumun kimliyi
Minimal həyatımın makzimomu
İnilti qopmaz bu tabutdan
Nahaq yerə məzara aparırlar məni

Caynaqlarına düşürəmsə
Aparırlar canımı
Hönkürtülərin son silahı oluram
Adam iysinə həsrət qalarkən
Nifrə yeriyir torpaqlardan ətimə
Getməz canımdan bu tozanaqlar
İçim keçməz içindən
Radikal qəbirə soxursunuzmu məni?!!
Zil qaranlıq olacaq otağım
Ay…! Ay…! Ay…!
Dırnaqlarım düşdü
Ətimi tanrı yedizdirir yetim qurt-quşlarına



2
Çarəsi qalmayacaq səhifələrin

Royalarından şırıldayır yaşıl yağmurlar
Alatoranlığını yaşıllandırırsan
Sürəcəklər üstünə qara faytonları
İttihamlara dözür
Mərmi baxışların

Qınqıtmağa çalışmırsan
Astanadan bir az oyanlıq dayansan da
Rahat keçə bilərsən o köhnə qapını
Aprtayd yazılar hicuma keçir
Cangüdənlərin yalnız zəngi yazılar olur
Ayağa qalxır arabir sətirlərin

Ürəyinə qonur bu üsyan
Çarəsi qalmayacaq səhifələrin
Üzü açılacaq
Nəhayət toxdatmayacaq bu devrim
… yaramazların yarasını


3
Qıçlarını araladı

Dişini qıcıdıb dəli oldu
Utanmazcasına kəlmələrin qıçlarını araladı
Mamutların acığına gəlsə də
Atdı qıçlarını qıçlarının üstünə
Notunu oxudu

əllərini mərmər dağların üstünə qoyarkən
Ritmini çaldı
Dırnaqladı belini
Misralarını yazdı isti dalğalara


4
Şahmat

Nə Şah var
Nə vəzir
Nə qala
Nə fil
Nə at
Səkgiz ağ əsgər
Səkgiz qara əsgər
Qarşı qarşıya dayanıblar
Heç biri tərpənmədən
Heç biri döyüşmədən
Bir-birlərinə baxırlar
Mat-mat…!